PAGSUSURI SA ISANG DULANG PAMPELIKULA
Dulang
Pampelikula: Sagrada Familia
Direktor: Joel Lamangan
Mga Tauhan:
·
Kat (Lovi
Poe)- Siya ang isa sa pangunahing tauhan
sa pelikula. Siya ay maraming pangarap sa buhay at kumukuha ng kursong
pagkamanggamot nang biglang nagulo ang kanyang buhay noong gahasain siya ng
kanyang ama.
·
Merli Asero
( Snooky Serna) – Siya ang ina ni Kat na naging OFW para masuportahan ang
kanyang pamilya. Siya ay isang nurse dito sa Pilipinas ngunit noong pumunta
siya sa ibang bansa ay naging caregiver.
·
Johny
(Emilio Garcia)- Siya ang asawa ni Merli at ama ni Kat.
·
Gloria Diaz-
Biyanan ni Merli kung saan niya iniwan ang kanyang pamilya noong siya ay
pumunta sa ibang bansa.
·
Felix Roco-
Siya ang kasintahan ni Kat.
Sinematograpiya: indie film : GRADED "A" BY CEB
Tagpuan: Ang tagpuan ay sa Pilipinas.
Sound and Lighting effects:
Iba’t ibang mga himig at kanta ang ginamit sa
pelikula na nagpadagdag sa “suspense” at ganda ng pelikula. Ang mga lighting
effects naman ang nakatulong upang lalong maintindihan ang pelikula at dahil
ang pelikula ay may mga pangyayaring kabastusan ay nakatulong ng malaki ang
lighting at sound effects.
Pangyayari:
Si Kat ay isang batang lumaki sa isang
pamilyang mapagkalinga. Ang kanyang ina na si Merli ay isang nars at ang
kanyang ama naman ay isang gwardiya. Ang kanyang ama ay lumaki sa isang di
magandang pamilya na ang ibig sabihin ay may kaya ngunit walang
pagkakaintindihan. Isang araw ay naimbitahan sila sa bahay ng ama ni Johny, ama
ni Kat, at doon nagkaroon ng matinding away. Sa pag-uusap ng mag-ama ay
nag-away sila at naitulak ni John yang kanyang ama. Nabagok ang ulo ng kanyang
ama at naging sanhi ng kanyang pagkamatay. Ang ninanais ni Jphny ay ang
mapasakanya ang isang “set’ ng baril ng kanyang ama.
Sa paglipas ng panahon ay
kinailangan ni Merlin a pumunta sa ibang bansa upang matugunan ang
pangangailangan ng kanyang pamilya. Sa kanyang pag-alis ay maraming nabago sa
kanyang pamilya. Si Johny ay nagbago
dahil na rin sa pag-aakalang siya ay iniwan at nalungkot siya ng sobra. Sa
sobrang pagkalungkot ay nagawa niyang gahasain ang kanyang anak na si Kat. Si
Kat ay may kasintahan at nang nalaman ito nji Johny ay galit na galit siya at
nagawa niyang patayin ang kasintahan ng kanyang anak sa pamamagitan ng
pagbaril. Paulit-ulit na nangyari ang panghahalay hanggang sa nagbunga ang
kasamaan. Nadiskubre ito ng ina ni Johny ngunit hindi siya makapagsalita
sapagkat tinatakot sila ni Johny gamit ang kanyang baril. Hindi rin
makapagsumbong si Kat sa kanyang ninong na pulis sapagkat siya ay natatakot.
Dumating ang panahon na kailangan nilang lumipat sa probinsiya. Paulit-ulit pa
rin ang mga nangyayari. Isang araw ay sa
pagkauwi ni Merli sa Pilipinas, nadiskubre niya na nawawala ang kanyang
pamilya. Pinilit niyang hanapain ang kanyang pamilya at natunton niya ang lugar
kung saan sina Kat at Johny nakatira. Gulat
na gulat siya sa nakita. Ngunit bago siya pumunta roon ay humingi siya ng
tulong sa ninong ni Kat na pulis. Namatay ang ninong na pulis ni Kat dahil siya
ay binaril ni Johny. Dumating ang oras nang tumakas sina Kat ay saktong
manganganak na siya at doon ay natunton sila ng kanyang ama. Dumating ang mga
pulis at doon siya binaril.
Teoryang Pampanitikan:
·
Teoryang
Realismo
Ang mga pangyayari sa pelikula ay
tunay na nangyayari sa ilan sa mga pamilyang Pilipino. Marami sa mga magulang ngayon
ang mas pipiliin na mangibang bansa at doon magtrabaho upang masustentuhan
lamang ang pangangailangan ng kanilang mga pamilya. Kahit na mahirap ang paglayo sa mga mahal
sa buhay ay kailangan sapgkat mahirap
ang buhay dito sa Pilipinas. May mga pangyayari rin na dahil na rin sa
pangungulila, ilan sa mga tao ay nagagawa ang hindi dapat gawin. Kung iuugnay
ito sa kasalukuyan, maraming mga ama ang napapabalitang ginahasa ang kanilang
sariling anak. Bakit nga ba ito nangyayari? Nangyayari ang mga bagay na ito dahil na rin
sa depresyon na nadarama at dahil na rin sa mga problema sa buhay.
·
Teoryang Feminismo
Dito ipinakita ang kalakasan at
kahinaan ng mga kababaihan. Si Merli ay isang inang kayang gawin ang lahat para
sa kanyang pamilya ngunit dumating ang pagkakataong, natalo siya ng takot sa
kanyang asawa. Sa isang babae, kalakasan niya ang kanyang pamilya ngunit kahinaan
niya rin ito. Si Kat ay sumisimbolo sa mga kabataang labis kung magmahal at
walang control sa sarili. Kung maaalala sa pelikula ay siya pa mismo ang
nag-alok sa kanyang kasintahan na gawin ang hindi karapatdapat. Ngunit siya ay
naging malakas kahit na sumuko siya ay lumaban siya upang mabuhay sa mundo.
·
Teoryang
Humanismo
Dito ipinapakita ang kalakasan at
kahinaan ng mga tao. Kahinaan ng mga tao ang sarili nilang emosyon kagaya ni
Johny na hindi nakontrol ang kanyang emosyon kaya humantong sa pagkasira ng
kanyang sarili pati na rin ng kanyang pamilya.
·
Teoryang
Naturalismo
Lahat ng mga nangyayari sa tao ay
dahil na rin sa pinili nila ang daan kung saan sila tutungo. Normal sa isang
tao na harapin ang dpresyon ngunit natural sa mga tao na hahanap ng paraan
upang maresolba ang kanyang problema. Isang magandang halimbawa nito ay ang
paghahanap nina Kat ng solusyon sa kanilang problema sa pamilya. Kung may mga
problema ay dapat harapin .
Aral o mensahe:
·
Lahat ng mga
magulang ay kayang gawin ang lahat para lamang sa kabutihan ng kanilang mga
anak.
·
Hindi
magandang kunsintihin ang masamang ugali ng mga anak sapagkat baling arawa ay
ito ang sisira sa kanila maging sa kanilang pamilya.
·
Ang mga
gawaing masama ay nagbubunga rin ng masama, maaring buhay pa ang kapalit.
·
Magtiwala sa
Panginoon sapagkat kahit na anong bigat ng problema, laging tandaan na lagi
Siyang nandyan. Ang mga problema ay isang pagsubok upang lalong tumatag ang
isang tao at magkaroon ng magandang pagbabago.
Rating:
Ang pelikulang ito ay maaring bigyan ng 1 para
sa rating. Bakit? Sapagkat nakuha ng pelikulang ito ang atensyon ng mga tao
mula simula hanggang wakas nito. Sa bawat eksena nagkakaroon ng reaksyon ang
mga tao, nagbibigay sila ng saloobin nila, iyong gusto nilang mangyari. Isang
mgandang halimbawa nito ay ako na kapag nandyan na iyong tatay ay sasabihin kong “ hala nandyan na,. Dapat
kasi doon na lang sila dumaan. Ang bagal nila!” Ito ang ilan sa aking mga
nasambit noong ako’y nanunuod. Oo, maraming mga mqallaswang eksena ngunit
nakokontrol ito ng mga light effects at sound effects. Ang pelikulang ito ay
nagmumulat sa ating mga Pilipino kung ano nga ba ang nangyayari sa ating
lipunan, ang kahirapan na nagbubunga ng problemang hindi mo alam kung paano
sosolusyunan at tumutulak sa mga taong lumayo sa mga pamilya at ilan sa mga
taong gumawa ng masama.
Dulang Panradyo: Baitang
Direktor: Alanigue, Arisga, Balang,
Cereno, Reyes, Tusi : A301 Production and Direction
Mga Tauhan:
Hilary- Siya
ay isang mayamang masama ang ugali.
Andoy- Isang
mahirap na maganda ang ugali.
Tagpuan: opisina
Sound Effects:
·
Ang sound
effects ay nakatulong ng pagbuo ng imahen kung ano nga ba ang nangyayari sa
dulang panradyo. Ang tunog ng mga sasakyan at ang busina ng mga ito ang
nakatulong sa nakikinig na may nangyaring aksidente kay Hilary. Ang mga kanta
naman na ginamit ay nakakaantig sa puso at minsan ay nagbibigay senyales kung
ano ang emosyon na napapaloob sa eksena. Ang tunog na pag-agos ng tubig ay
nangangahulugang ibang araw o kinabukasan.
Pangyayari:
Umagang-umaga ay nagagalit si Hilary
sa kanyang mga tauhan sa isang kompanya. Siya ay isang taong mahalaga ang oras
ngunit hindi niya nakikita ang mga ginagawa ng kanyang mga tauhan para sa
kanya. Isang araw ay paalis siya sa kanyang trabaho. Wala ang kanyang driver
kaya siya na lang ang nagmaneho. Siya ay naaksidente. Sa kanyang pagdidileryo
ay nakita niya ang kanyang ina na nang-iwan sa kanya. Galit na galit si Hilary ngunbit
nagpaliwanag ang kanyang ina at biglang naglaho. Sa pagkakaksidente ni Hilary
ay humantong sa pagkakataong namatay siya. Sa kanyang pagkamatay ay nagkaroon siya
ng pagkakataong mabago ang kanyang mga maling nagawa. Doon niya nakilala si
Andoy na isang taong matiyaga sa kanyang buhay. Doon nakita ni Hilary ang tunay
na kahulugan ng buhay at yaman. Wala sa yaman o laki ng bahay masusukat ang
tagumpay ng tao kundi sa mga munting gawa na nagpapasaya sa kapwa tao.
Teoryang Pampanitikan:
·
Teoryang
Imahismo
Ang teoryang imahismo ay ang
pagbubuo ng imahe sa pamamagitan ng mga salitang ginamit ng awtor sa kanyang
akda. Kagaya ng dulang panradyo na baitang, ang mgasalita at mga tunog na
ginamit sa dula ay tumutulong upang bumuo ng mga imahen o hulagway sa isipan ng
mga tagapakinig. Isa pa ay ang pagkakaroon ng isang pagkakataon ni Hilary upang
baguhin ang kanyang mga masasamang ginawa noong siya’y nabubuhay pa.
·
Teoryang
Realismo
Ang mga pangyayari sa dula ay
nagpapakita ng mga tunay na pangyayari sa buhay. Isang magandang halimbawa nito
ay ang konsepto natin ng pagiging “boss” at tauhan lamang. Sa trabaho inaasahan
na natin na ang boss ang laging nasusunod at minsan ang mga ‘boss” ay hindi
nakikita ang “effort” ng kanyang mga tauhan sa trabaho. Kung masama ang isang
tao sa kanyang pakikitungo ay siya rin ang sama ng tingin ng kapwa sa taong
masama. Isa pa ay ang pagkamatay ni
Hilary. Hindi natin alam kung kailan at saan tayo mamamatay. Ito ang misteryo
sa ating buhay, ito ay isang katotohanang kailan man ay hindi natin
matatakasan.
·
Teoryang
Humanismo
Dito naipakita na ang tao ay
sentro ng mundo. Ipinakita ang kalakasan at kahinaan ng isang tao. Maraming
nabubulag sa tunay na kahulugan ng tagumpay at dito nagkakaroon ng mga di-
pagkakaunawaan. Ang mga tao minsan ay nakuha na ang lahat ngunit hindi pa Masaya
kagaya ni Hilary. Ang tunay na kasiyahan ay matatagpuan sa mga taong
nakapaligid sa atin na kung saan ay sila ang nagbibigay inspirasyon at lakas sa
atin.
Mga
Aral
·
Lahat ng mga
ginagawa ng tao para sa iyo ay dapat bigyang pansin. Huwag puro mga masasama
ang tignan kundi pati ang kabutihang kanilang ginawa.
·
Hindi
kailangang mamatay at mabigyan ng pagkakataong mabuhay at magbago dahil sa reyalidad ay hindi ito
totoo. Habang nabubuhay pa ay huwag sayangin ang mga pagkakataon na makagawa ng
kabutihan sa kapwa. Laging tandaan na hindi lahat ng pagkakataon ay alam natin
kung anong mangyayari.
·
Hindi
sukatan ng tunay na tagumpay ang laki ng bahay o ang madaming perang naiumpok
sa bangko. Ang tunay na sukatan ng isang tagumpay ay ang pagtatagumpay na
walang naaapakang ibang tao. Isang tagumpay ang pagkakaroon ng mga kaibigan at
kapwang napapasaya mo at napapasaya ka rin.
“ Two things are hard on the
heart- running up stairs and running down people.”
Rating:
·
7
Ang rating ay 7 sapagkat hindi
gaanong maintindihan ang mga eksena dahil na rin sa paggamit ng maraming sound
effects. Kung aral ang pagbabasehan, ipinapakita rito na sa lahat n gating
ginawa ay may pagkakataong mabago pa ngunit hindi ba’t mas maganda kung habang
maaga pa ay gawin na ang nararapat upang huwag magsisi sa huli. Ang mga boses
ng mga nagsiganap ay hindi gaanong kasiya-siya pakinggan. Ang kwento ng dulang
panradyo na ito ay maganda ngunit mas maganda sana kung binigyan pa ng “twist”
upang huwag mabagot ang mga tagapakinig.
Ito po ay isang halimbawa ng pagsusuring pampanitikan.. Ninanais po naming tignan niyo at magkomento hinggil sa kalakasan at kahinaan ng pagsusuri. Maraming salamat po.
TumugonBurahin